能对吾有点误会，但是吾必须也要自个检讨一下自个，吾可能对下头个人要求比较严格，关心勿够，勿过，这些塞勿是问题，吾会慢慢改进吾个工作方式。吾希望小申侬呐！也勿要介冲动，侬个职校出来个，像这种工作，也勿是讲寻就能够寻到额，要么侬……”王经理说着将辞职报告向前一推。
“王经理，”申晴将推过来的辞职报告又推了回去，“所以讲，吾个职校生勿法胜任那个这份工作。”
“小申啊！吾勿是这意思，吾个意思是当初是吾将侬破格录用，吾也勿需要侬感谢吾啥，就是希望侬能珍惜这份工作。”
“谢谢王经理，更加要谢谢侬让吾成长了许多。”
“侬讲个这话，让吾哪能好意思？”王经理尴尬地先了笑，“吾晓得侬的意思，吾也勿帮侬兜圈子了，从这月头开始，侬个工资从两千涨到两千二，好勿啦？”
申晴闷声不响。
“要么这能介，”王经理咬了咬牙，“看侬这段辰光做得的确勿错，工作也比较辛苦，吾拨侬个工资涨到两千五，侬讲哪能？这工资帮陆家嘴“A级”写字楼个物业客服工资差勿多了。”
申晴继续闷声不响。
“小申啊！再高个话，吾也么这权利，吾要帮老板请示一下，要么吾现在就打个电话……”
“勿要打了，拨吾五千块，吾也勿会做额。”
“啊？！侬是讲真个话？”
“吾也了解过了，吾现在一个人，做个是老早两个半人个生活，这半个人，就是侬王经理之前一半个工作，王经理侬算算，这到底要拨吾多少钞票？”
“那么侬跑吧！”王经理恼羞成怒起来，但好像又想到了什么。“但是，按照公司规定，侬还要做一个月头才好办离职手续，假使侬后头勿来上班，阿拉就要算侬旷工！”
“叫吾来上班也勿是勿可以，”申晴一笑，“上班之后，吾就帮那些帮吾关系好个业主多沟通沟通，讲阿拉王经理人老好额，交啥么水电费、物业费、租金，根本勿用急，拖个一两个月头，塞么啥问题……”
“侬……侬……”王经理已是气得半天说不出话来，过了片刻，突然冲门外大喊:“刘……刘会计，刘会计……”
“王经理，”刘会计推门而入，“啥事体？”
“拨申晴结工资，结到这月底，快！”
盛大家园，宁晋一边紧张地盯着电脑，一边跟徐华通话:
“兄弟啊！这支都涨到二十块了，还要买进啊？”
…。。